Power Query yalnız datanı təmizləmək və çevirmək üçün deyil, həm də reportları daha dinamik və istifadəçi dostu etmək üçün güclü imkanlar təqdim edir. Bu imkanlardan biri parametrlərdir.

Parametr – query-də dəyişdirilə bilən dəyərdir. İstifadəçi və ya developer onu dəyişəndə bütün query həmin dəyərə uyğun işləyir.

Parametrlərin üstünlükləri:

1. Çeviklik – eyni query müxtəlif vəziyyətlər üçün işləyir

2. Rahatlıq – istifadəçi sadəcə parametr dəyişməklə fərqli nəticə alır

3. Avtomatlaşdırma – fayl və ya tarix dəyişəndə manual dəyişiklik etməyə ehtiyac olmur

Parametr yaratmaq üçün Power Query-də Manage Parameters → New Parameter seçilir, adı, tipi (text, number, date və s.) və default dəyəri verilir.

Parametr yaradarkən əlavə olaraq Suggested Values bölməsi də var. Burada üç seçim olur:

• Any value – istifadəçi parametr üçün istənilən dəyəri yaza bilər

• List of values – parametr üçün əvvəlcədən müəyyən olunmuş siyahı verilir və istifadəçi yalnız onlardan birini seçə bilir

• Query – parametrin dəyərləri başqa bir query-dən avtomatik götürülür, məsələn məhsul kodları olan bir cədvəldən
  
  
  

Nəticə olaraq, parametrlər Power Query reportlarını daha çevik, daha idarəolunan və istifadəçi üçün daha anlaşılan edir.