Power BI-də Bookmark funksiyası reportu sadəcə məlumat göstərən bir vasitə olmaqdan çıxarıb, interaktiv hekayə danışan bir alətə çevirir. Bu funksiya sayəsində sən reportda istədiyin görünüşü – məsələn, xüsusi filtr seçimini, vizualların gizlənmiş və ya görünən vəziyyətini – yadda saxlaya bilərsən və istənilən vaxt həmin vəziyyətə geri qayıda bilərsən.

Bookmark yaratmaq üçün reportda lazım olan görünüşü seçirsən, sonra View menyusundan Bookmarks Paneli açaraq “Add” düyməsini klikləyirik. Burada bookmarka ad verə bilərsən və hansı parametrlərin yadda saxlanılacağını seçə bilərsən: Data (filtrlər və slicerlər), Display (vizualların vəziyyəti) və Current Page (səhifə görünüşü).

Bu funksiya bir çox sahədə istifadə olunur. Məsələn, report daxilində naviqasiya yaratmaq üçün, eyni səhifədə müxtəlif ssenariləri göstərmək üçün (aylıq və illik satış müqayisəsi), təqdimat zamanı reportu PowerPoint kimi istifadə etmək üçün və ya before/after analizləri aparmaq üçün bookmark çox faydalıdır.

Bookmark-ları Selection Panel ilə birlikdə istifadə etdikdə vizualları gizlədib göstərmək olur ki, bu da interaktiv menyular yaratmaq imkanı verir. Həmçinin, xüsusi naviqasiya düymələri əlavə etməklə reportu bir proqram kimi işlətmək də mümkündür.

Nəticə olaraq, Bookmark sadəcə geri qayıtma vasitəsi deyil, məlumatı daha vizual, dinamik və anlaşılan formada təqdim etmək üçün güclü bir alətdir.